للهلآليين فقـط ,...,هـم يُشجعون ونحنُ نُحـب ..~

بسم الله الرحمن الرحيم







مـدخل


~{نادي*الهلال* إليا لعب صاحت جماهير*الهلال*
تاريخنا *الأزرق* وسام بصدر تاريخ الكرة~{





إنه ليس نادي نحبه لأنه يفوز ..
إنه ليس صرحٌ نحبه لأنه شامخ .!
بل نحبه.. لأننا نحبه ..
فقط نحبه غير مقيدين بشروط ٍأو قيود ..
نحبه في علوه ..
نحبه في عثراته ..
نحبه في فرحه ..
ونهيم به عشقاً عند كبوات
هكذا نحبه .!
هكذا نحب الهلال ..






تعلمت وأنا أحبو أن أكون هلالي ،، فـ الهلال لي اليوم~|


ولأولادي غداً ولأحفادي في المُستقبل ،،



الهلال هو عجين أمي وقصيدة أبي ،، الهلال يُمثل لي عشقٌ ووله



وهذا هو الفرق بين الهلاليين وغيرهم ،،



هم يُشجعون ونحنُ نُحب ..







زعيمنا الازرق بوجهه تقاسيم
لابداعكم وافكاركم برآقه ..
يرحل ويرحل معه الابداع ويقيم
حتى غدا بين الثلاثه صداقه
بجهودكم ياسيدي بالملازيم
صار الزعيم لكل حلم انطلاقه
الفن يأخذ من فنونه تعاليم
والبحر ياخذ من زراقه زراقه
والغيم ياخذ منه مايجعل الغيم
يفتح للأزرق فيه بابن وطاقه





يكذب اللي قال ســـامي اعتـزل
انت تدري وش هو معنى الأعتزال



يعني غاب ولابقى لشوفه أمـل
لا سامي مااعتزل ياابـن الحـلال



سامي باقي نجم ماعمـره أفـل
سامي باقي مابقى نـادي الهـلال



لايهمك حكيهم .. هـذا بطـل
هذا واقـع لكـن اشبـه بالخيـال



كل شي ٍ فـي مزايـاه أكتمـل
كامـل ٍ سـامـي ولله الكـمـال



لعب فن وذوق وأخلاق وعقـل
مااغرته شهره ولا مظهر ومـال



ماهي دوله تشهـد لمجـده دوّل
مدمـي الشبـاك مافيهـا جـدال



لارفع رآسه على الباب ووصل
مالشباك الخصـم غيـر احتمـال



قول مبدع صاحبه قول وفعـل
صاحبه سامـي ولافيهـا مجـال



ايه سامي سامي اللـي ماأفـل
نجمه اللي ينعرف بيـن الرجـال



يكذب اللي قال غـادر وأعتـزل
سامي اصلا دم في قلـــــــب الهـلال...









محمد يادعيًع يازعيم وسيًد الحراس
نبادلك الغلا ويا الوفا والطيب واحساسه
كفو ..الا كفو ماهي ( كفو )الي مثلها لاباس
كفو لين (الكفو ) عندك يطيح ويلفظ انفاسه
انا احس السعودي يرتفع لاصار بين الناس
وقال ان الدعيًع واحدً من اهله وناسه
عزوم وكل عزمً دون عزمك يعتبر افلاس
ياكم قبلك مهاجم من عزومك اعلن افلاسه
مضى عشرين عام من الزمان ولاانهزم احساس
يقول انك عميد المجد من ساسه الى راسه
مع الصف الهلالي كنت حارس مخلص ونبراس
وياحظ الذي كنت انت حارس له ونبراسه
ومعك جبنا البطولات الكبار وكاس.. يتبع كاس
تصد اهداف وتصفق كفوف الخلق بحماسه
بطولاتك .. والقابك ...كبار ولا لها مقياس
لكن الاكبر انك صرت للاخلاص مقياسه
عليك الله وامانه ياشديد وياقوي الباس
يحرًسك خالقك من نظرة الحاسد ومن باسه
اذا كان الهلال (البحر الازرق)موطن الالماس
انا اشهد يادعيًع انك اغلى واثمن الماسه








يانجم يامحمد الشلهـوب ياغالـي
أنا أشهدإنك حبيب اللي يعزونـك
مازلت نجمي ولعبك دوم يحلالـي
مأحط الأقصين والدانين من دونك
لاياشموخ الوسط ياطيـب الفالـي
ياللي بطيبك ملكت اللي يحبونـك
كم كورة من قدمك بوسط الأقوالي
وكم رفعة تطرب الجمهور يدعونك
إن جات للذوق ذوقك ماله أمثالي
وإن جات للفن مأحدن ينكر أفنونـك
شريت ناد الزعيم وعفت الأموالي
وبيض وجه الذي خلفك يودونـك
ياقل ناس سواتك ترخص الحالـي
وياكثر ناس على لعبك يحسدونك
أشتقت لعبك وقلبي فيـك يختالـي
وهيضتني ياعسى الباقين يفدونك
ومازال قلبي بحبك دوم مازالي
يعشقك ياشمعة الجمهور ويصونك








يا(ياسر) الموضوع ماهو (منهو إللي مستفيد)؟؟
ولاهي بقصة رياضة أو تصاريح وملااااام
السالفة وشلون ينسى المسلم العلم الأكيد
بأن دم المسلم المؤمن على المسلم حرام
تناقلوا هالسالفة عبر المواقع والبريد ..!!
كلن يزيد شوي من عنده ويرسلها قيام
أنجاس يجري في عروق أجسامهم قيح وصديد
هذي وصوف إللي يدنس عرض عالين المقام









آن حكى غصبن عليهم يسكتون وآن سكت


تــــــــــــــــــــســــــــــكت مـــعهـ كل الريآض...


يا عذابي كل ماحلّ الفــراق وبيّن
ولاذكرت ان كل وصلٍ يقتفيه مفارق
وين ابلقى مثل وقفاتك ووين اعيّن
من يرد العلم لا صار الزمان مزارق
أنت لو تدري بعد فرقاك ويش ازيّن
كان ما شحيت بوصالك علي ياطارق




تلوج الدمعه بعيني
.. تجي حد البكا تنشاف
واحاول اكتم الواقع
.. وانا في حالتي داري !!





مخــــرج ...


الهلال ليس نادي نشجعه .!
بل هو دنيــا جميلة ..
هو حيــاة من نوع آخر لم يعتد عليها البشـر ..
حيث تبلغ فيها النشوهـ حداً لا يمكن تصوره
أوتخيله سوى للذي يعيشها ..





تحياتي